EMI唱片公司自陳輝虹入主即傳言滿天飛，近期就盛傳九人女子組合Cookies會在二月被開刀，當中的Angela、Gloria及Helenla將率先被擯出局，而Angela更打定輸數地說：「此地不留人，自有留人處。」
早前EMI唱片公司總裁陳志光離任後，前商台高層陳輝虹即接替其職位。近期傳出EMI旗下歌手將受易主影響，先傳出會繼續力捧有唱片銷量保證的Shine及何韻詩外，其他歌手谷祖琳及陳司翰則會被雪藏。而九人女子組合Cookies今年則有三人被淘汰。
有關改組Cookies的消息眾說紛紜，有傳她們在農曆年後將會淘汰成員Angela、Gloria及Helena，然後增添新隊員，成員約超過十名以上，待暑假再為新Cookies出碟。除此之外，另有版本傳因Cookies由陳志光一手發掘，故陳輝虹會將整隊Cookies放棄，不過基於Cookies在頒獎禮中成績不俗，這個可能性應該不大。
日前記者在清水灣電視城內向出席節目的Cookies求證，問她們曾否聽過上述兩個傳聞時，被傳遭飛出局的Angela說：「煮到嚟就食，我自己唔太擔心。因為自己以前拍過戲、又拍過廣告，加入Cookies之後多咗好多人識，但此地不留人，自有留人處，冇嘢係永遠，睇公司點安排啦。」
而Gloria則說：「最近我有聽過會有啲成員冇咗，有人話九個只留低一個，我唔知呀，過多幾個月咪知囉。」而Helena說：「好多嘢唔係我哋控制，都冇選擇權，我唔知擔唔擔心，盡力做好自己先啦！」
陳輝虹昨日亦透過電話說：「我哋冇放棄Cookies嘅意思，佢哋會繼續做落去。Cookies係流動性較大嘅組合，𠵱家我哋重開緊會，變動一定有，但未決定點變法。」未知EMI會否與部份Cookies成員解約？他說：「處理方法有好多種，二月左右就會知啦！」
