章小蕙的化妝品專櫃昨日開幕，穿上低胸裙的她雖然吸引不少阿伯評頭品足，但卻有女士指她「師奶」。章小蕙還自爆在飛機上認識了一位男士，但她強調該男士並非大有錢人，只是個普通生意人。
章小蕙位於銅鑼灣崇光百貨的化妝品專櫃，昨午五時開張剪綵，章小蕙早於下午二時已到達現場準備。
剪綵時，章小蕙刻意換了低胸裙亮相，吸引不少途人圍觀，女士們對章小蕙似乎不以為然，更有人指她「咁師奶嘅」，但男士就對她甚為嗒糖，尤其不少阿伯對章小蕙評頭品足，睇完她前面，還睇埋背面。
章小蕙表示找了相士李居明擇時辰剪綵，並指對方早前替她起了個命盤十分準，她說：「佢話我事業會好，今年有桃花、又有貴人。」
章小蕙還自爆正和一名中國籍男子約會，她說：「我上星期去印度買貨，喺飛機度識咗個中國籍男子，我哋用多國語言溝通，主要用法文，佢着54Lsize嘅衫，佢唔係大有錢人，只係普通生意人。佢唔知我係邊個，亦唔知我嘅背景，咁更加有機會，我哋已經開始約會，佢係我踏入○三年第三個桃花，但之前嗰啲都冇約出街。」
而章小蕙由月租四萬的大坑道林肯大廈，搬往月租六萬五的山頂道豪宅，有雜誌指她日前在灣仔某家具店購買在深圳製造的雙人牀，章小蕙對此說：「好呀，佢哋卒之做番件好事，寫番啲好嘢，我唔一定要買貴嘢，平嘢都有好嘢，我屋企好多Ikea（宜家傢俬）。」