荷李活女星安琪蓮娜祖莉早前隨攝製隊來港拍攝《盜墓者羅拉》續集，其間她接受記者訪問，暢談今集的拍攝過程，同時大讚對手任達華英俊有型。
早前來港取景的荷李活電影《盜墓者羅拉》續集攝製隊，曾在港多個地方拍攝，而此片在中環尚未落成的國際金融中心拍攝當日，曾接受格鬥訓練的女主角安琪蓮娜祖莉（AngelinaJolie）及一眾幕後班底更抽空在片場接受本報記者訪問。
當被問及對片中扮演奸角的任達華的印象時，羅拉說：「佢好令人驚喜，佢當然亦都英俊同有魅力啦。喺戲入面佢係一個好強嘅敵人，我哋有唔少打鬥場面，但係我覺得我哋兩個角色幾似，係一個好好嘅配搭。」而監製LloydLevin及曾執導《生死時速》的導演楊迪邦（JandeBont）都大讚任達華表現出色及專業。
羅拉與監製表示製作費達九千萬美元（約七億港元）的《盜》片續集，規模及工作人員總數比第一集大得多，外景地點亦包括世界多個地方如英國、非洲及中國等。羅拉說：「今次嘅場面大好多，亦有更多嘅打鬥場面，當然亦危險好多啦。」
今集除不乏上天下海的場面，更有羅拉駕着電單車在萬里長城疾馳的場面，不過這條長城其實是在英國片場內搭建。而大部份危險動作都由羅拉自己親身上陣，因此她亦特別接受了拳擊、格鬥及體能訓練。