無綫將於農曆新年推出六個賀年節目，昨日有關方面特別在尖沙嘴舉行記者會，一眾有份演出的藝人，包括汪明荃、林曉峰及康子妮等均有出席。
今年經濟不景，問阿姐派利是會否「縮皮」，她說：「會呀！經濟唔好，咪封少啲囉，利是都係講意頭，我會封十蚊，我都預咗用兩萬蚊封利是。」
剛結婚的林曉峰及康子妮第一年派利是，林曉峰說：「新年我哋唔喺香港，其實已經準備好，換咗好多一千蚊紙，真係好慘，派唔到！不過我就已經派咗第一封畀伊健，點知佢祝我多姿多采，真係冇句好，記得佢多姿多采嗰年，真係好多新聞，所以咪搞！」