我大口羅拉對來自「日本巨乳軍團」YellowCab嘅ICup巨胸女星根本春美，真係又羨慕又妒忌，佢喺公司催谷之下，短短半年時間，搖身一變，已經成為日本今日嘅寫真界Superstar，重巴閉到無孔不入，我大口羅拉揭開日本HipHop雜誌《Warp》嗰陣，竟然都見到佢霸咗唔少位。
早排《Warp》雜誌幫根本春美同日本幾位HipHop音樂人包括TOSHIKIDAHARDBOP、BIGZAM、DABO、P.H.，搞咗個派對，齋睇根本春美套好閃又好花嘅比堅尼，同埋個場嘅布置，就知個派對都幾瘋狂吓。
好似用兩塊薯片放入口，扮到好似鴨嘴咁，佢重同其中一位猛男嚟個「鴨嘴對鴨嘴式」接吻，咁都玩得一餐，可想而知佢有幾癲啦！
為出位乜都肯制嘅春美，今次肩負重任做PartyGirl服侍幾位男士，佢唔止任佢哋又攬又抱，重做咗好多古怪又騎呢嘅動作。最抵死係佢可以用啲Party嘅飾物，整成一套比堅尼着上身，佢咁掂，真係去到乜嘢Party都贏晒啦！