朱永龍與張栢芝的經理人合約問題仍未解決，兩人將要對簿公堂。早前有指中國星向華強太太陳嵐以四百萬為栢芝贖身，朱永龍即出面澄清，表示從未收過錢，向太即公開叫朱永龍去死。
朱永龍前晚在灣仔出席新片《行運超人》首映，他說：「我唔係同向太打官司，係同栢芝打，我唔知向太係栢芝嘅經理人喎。」對於向太力撐栢芝，他說：「我驚㗎，冇法啦，都要打落去。」
而向太陳嵐昨晚在灣仔出席活動時則說：「法庭規定要將栢芝收入嘅12.5%放喺雙方律師處共同監管，一日未判，栢芝重係自由身，但朱永龍私下同我講要求攞栢芝收入嘅30%，栢芝單官司未必輸，就算輸都未必要賠30%。」
對於朱永龍申請法律援助打官司，她說：「栢芝都冇錢，我會叫佢申請法援。」