我Apple姐認為熱戀中嘅情侶梗係成日見面㗎啦，咁樣感情先穩固，幾個月唔見又點會好感情呢？ 前兩日我喺金鐘行街，去完名店Prada一出門口，就遇到小情人Rosemary同Gordan沿路打情罵俏，雖然佢哋冇話十指緊扣、攬頭攬頸咁親熱，不過都好搶眼。 癡心情長 Rosemary一身便服牛仔褲，但係就紮住兩個可愛嘅牛角髻，應該係啱啱做完嘢。佢為咗爭取時間同男友見面，連落妝嘅時間都慳埋，真係癡情。