譚詠麟（阿倫）昨日為港台製作、於亞視播出的《十大中文金曲——難忘往日情》節目宣傳，他似乎不怕開罪無綫，而亞視高層黎文卓表示亞視亦有份邀請阿倫，並希望日後再與他合作。
譚詠麟昨日與陳啟泰到九龍塘為《十大中文金曲——難忘往日情》節目宣傳，該節目為紀念港台頒獎禮二十五周年而設，並會重溫昔日頒獎禮的精華片段，分《濃情廿載》及《難忘往日情》兩集，前者上周日在亞視播放，平均收視有十二點，成績頗佳，故港台與亞視便於昨午設宴，邀請阿倫為第二集宣傳。
阿倫雖然與無綫沒有合約，但雙方早有默契，阿倫不會亮相其他電視台。今次他出席港台與亞視的節目宣傳活動，擺明幫亞視宣傳，難道他不怕開罪無綫？阿倫說：「我同無綫都冇約，冇牴觸，而且今次係港台張文新邀請我，佢話個節目內容好多都係講我，幫吓手都冇所謂啦，個節目又係港台嘅，我覺得唔算幫亞視宣傳。」
阿倫在活動中又說：「嗰日喺馬場做頒獎禮，我同張國榮睇番啲片段都好驚，以前咁鬼肥，咁多babyfat，真係心寒。」
至於亞視藝員營運、公關及宣傳總監黎文卓則表示，今次是亞視及港台一同邀請阿倫，他說：「本來重有好多歌手想請，但其他歌手都同無綫有約，阿倫最適合，之前都成日同亞視合作，以後有機會都會搵阿倫合作，我諗適當時機佢會考慮嘅。」
而香港助理廣播處長張文新昨日說：「阿倫同溫拿都攞過金針獎，佢又喺港台頒獎禮宣布唔攞獎，所以搵佢嚟幫手。以往港台成日同無綫合作，希望以後可以同各方面都保持友好關係。」
此外，提到李克勤因大讚葉劉淑儀回應二十三條事件有說服力，而被商台主持鄭經翰指摘，阿倫說：「嗰日我喺電台撞到大班，大班叫我同克勤講，話佢講吓笑咋，玩吓，搞吓氣氛喎。」至於對葉劉淑儀有何印象，阿倫則說：「我覺得佢好堅強，上次佢坐喺架車度俾人圍，都可以睇報紙，好勁。」
採訪、攝影：胡比