估唔到踏入2003年不久，就經已有多款新車推出，繼日前日本豐田車廠宣布推出全新Wish車系後，三菱車廠亦於昨日（23日），宣布於今年春季推出Grandis車系，並提供多個版本供用家選擇。雖然廠方響新聞稿中，未有發表詳細關於新車嘅資料，但坊間有傳呢部有機會成為新一代SpaceWagon嘅Grandis，將會擁有多項先進設備，以及寬敞闊落嘅車廂空間，而機械配搭則有望為2.4公升MIVEC偈配搭，而並非現行嘅GDI結構；不過仍有待廠方公布有關資料後方可作實。另一方面，從廠方所發出嘅相片中可以睇到，全新Grandis嘅造型甚為吸引，而且重裝上全新家族式鬼面罩，望落與同廠嘅Colt極為相近，而車尾直立式尾燈設計，亦能予人有清晰嘅提示呢！有興趣嘅朋友，就要留意新車嘅確實推出日期喇！