「錯就要認，打就企定」，呢兩句說話八方一直覺得好有道理，不過就有高官當呢句說話係耳邊風。名嘴鄭經翰噚日喺《風波裡的茶杯》請咗海事處助理處長李家武，就一名漁民嘅蝦艇被偷後，仍獲海事處發新牌一事喺電話中作回應，李家武一開口就話自己面皮厚，一定唔會俾大班嘅問題問到尷尷尬尬，跟住好堅定咁提出對事主不利嘅時間證據，搞到大班差啲俾佢拋窒。
不過，當大班轉頭搵到新證據，指正李家武嘅錯誤後，呢位高官死都唔肯認錯，重同大班鬥嘴話：「大班你作為公眾人物都唔尷尬，我點尷尬……我只係會更正，係唔會尷尬。」
大班即時扯火，唔單止即刻冚線，重話會向處長崔崇堯投訴，好多聽眾重打電話上電台聲援大班。有公務員聽眾話覺得羞恥，直言：「佢點帶領我哋呀！」
傳真︰2623-9278
電郵︰