李克勤前日出席活動時，說出支持葉劉淑儀的言論，昨日鄭經翰主持的商台節目《風波裡的茶杯》及林海峰主持的《好世界》中，均有提及此事。鄭經翰說：「我要嚴正聲明，我哋絕對可以包容任何人表達唔同意見，但係有時有啲嘢係有標準嘅，佢（李克勤）話葉太喺二十三條講嘢有幽默感、莊重，呢樣嘢我諗超過一半人認為葉太講嘢係一啲幽默感都冇，亦都唔係有說服力，呢樣嘢相信喺社會上有共識，呢個標準唔可以亂噏。其實當葉太係偶像嘅有大把人，不過你就要搵一個理由出嚟，唔係唔知道就喺度亂噏。」
鄭大班續說：「其實我唔知佢喺度講真話定反話，𠵱家又要對李克勤改觀，可能講反話我哋唔識欣賞。如果係就謹此致歉，反話我就封佢做偶像。」
另外，林海峰在節目中亦笑說：「佢（李克勤）係咪一時口快，當咗葉劉淑儀係盧淑儀。冇理由，兩種風格都唔同，唔通唔夠瞓？」