香港嘅英語水平漸走下坡，噚日周梁淑怡喺立法會動議促請政府加強推廣使用英語，鞏固香港作為亞洲國際都會嘅地位，班立會議員破天荒全部用英文發言，包括從未喺立法會上用英文發言嘅民建聯主席曾鈺成，衞生服務界立法會議員麥國風則自謙英文口音唔夠純正。講番呢個動議，周梁話𠵱家香港啲學生英語水平差過以前好多，佢話見過有大學生寫嘅英文信，幾乎全部都有語法錯誤。至於動議結果如何？當然係大比數通過啦！
另外，麥國風失驚無神去尖沙嘴海防道臨時街市嘅大牌檔德發，打包咗三百粒牛丸請記者食，佢話冇乜特別原因，只係見就快過年，啲牛丸又好煙韌。雖然牛丸味道不錯，不過三百粒咁多，食到夜晚都食唔完。
（圖）麥國風買咗三百粒牛丸犒勞記者，一下子變身「立法會牛丸大王」。
傳真︰2623-9278
電郵︰