北韓舊年委任歐亞農業前主席楊斌做新義州行政長官，但楊斌冇耐就因逃稅喺內地被捕，搞到一鑊泡。噚日南韓報章話平壤會喺下月十六日，即最高領導人金正日生日嗰日，委任何東爵士嘅曾孫何鴻章做新義州行政長官。
八方第一時間走上何鴻章中環辦公室搵佢傾吓，但可惜何鴻章唔喺度，何生嘅秘書就否認此事，重代表何生話「行政長官係年輕人嘅工作。」北韓駐港領事館官員RiSongNam亦表示莫名其妙，又以「瞎說」、「不負責任」嚟形容有關報道。佢重話到目前為止，北韓政府都未就新義州行政長官人選作出公布。
何鴻章喺○○年成立咗「韓國何鴻章基金」，捐贈一百萬元幫助北韓兒童；○一年喺平壤設立基金會，有兩名當地代表，舊年一月獲授友誼獎章（一級）同平壤市榮譽公民證書。何生雖旨在行善，但難免惹人聯想。
（圖）何鴻章唔只喺北韓行善，重得過友誼獎章。
傳真︰2623-9278
電郵︰