昨日有周刊報道指陳曉東在番禺拍攝劇集《倩女幽魂》期間，與文雋太太兼其經理人羅嘉慧晚上一起吃火鍋和揼骨，記者昨日致電身在廣州的羅嘉慧，她揚言會就此事採取法律行動。
羅嘉慧在電話中說：「我今日已經收咗幾十個電話，覺得係笑話，行內認識我嘅人，都知我嘅為人。初頭我都嬲㗎，但係我唔會因為呢件事，影響我同藝人嘅合作模式。我唔會逐張相、逐句嘢去講，因為我會出律師信告佢哋，如果啲報道要繼續連載，都歡迎。」
東東則說：「明明打邊爐，偏偏俾人砌出一碟生豬肉，呢啲無聊報道，令人反胃！」
文雋昨日亦在電話中說：「除咗憤怒重可以點？佢哋抹煞晒我老婆盡心盡力做經理人嘅努力。」