煲呔夫婦情人節共舞籌款 - 李八方

  煲呔夫婦情人節共舞籌款 - 李八方

今年情人節,如果想欣賞到政務司司長曾蔭權伉儷,喺一個五千呎嘅舞池翩翩起舞,只要參加會展舉行嘅慈善餐舞會,就可以同煲呔同場共舞;重有機會抽中最新款嘅MiniCooperS汽車。
八方講緊嘅係「香港傷健策騎協會」喺二月十四舉行嘅籌款晚宴,計劃擺八十至一百圍,買枱費由萬二至三萬。可能煲呔應承做嘉賓,號召力特別大,已經賣咗七十圍。
呢次餐舞會目標係籌一百萬,呢筆經費主要係幫助四位香港傷健騎術代表,參加十一月日本大阪舉行嘅奧林匹克傷健騎術比賽。籌款小組主席PennySmith小姐話,當晚重安排咗好多表演,希望大家過一個充實又有意義嘅情人節。
(圖)想同曾蔭權伉儷一齊跳舞,就要參加「香港傷健策騎協會」喺情人節舉行嘅籌款晚宴。


傳真︰2623-9278
電郵︰[email protected]