三聯書店噚日搞咗個「歲晚墟」，請到多位書法家坐鎮，即席揮毫為無國界醫生籌款。但啲春聯並非「天增歲月」、「福滿乾坤」一類行貨，而多數係對香港現今社會環境有感而發之作。
好似由書畫家徐子雄構思、陳更新落筆嘅「經濟有方爭富裕 民主無恙樂太平」，徐先生就話眼見香港地運日差，二十三條又殺到埋身，所以寫下呢副對聯，希望香港嘅民主同經濟情況，來年會更加好。
不過徐子雄坦白話對前景信心不大，其中一副上聯「百年一剎那 魚翅撈飯 好景如煙散」，將佢嘅心態顯露無遺，但佢重未諗到下聯，唔知有冇讀者對得出呢？如果想同咁多位書畫家交流同做善事，今日起到一月三十日，都可以去中環嘅三聯展覽廳睇吓。
馬泉崇攝
傳真︰2623-9278
電郵︰