噚日係德國同法國簽訂「愛麗舍友好條約」四十周年，呢個喺冷戰時期簽訂嘅合作條約，令兩個有唔少恩恩怨怨嘅國家，近年嘅關係發展得頗為順利。噚日兩國領事館喺香港舉行聯合酒會，特首董建華、律政司司長梁愛詩、立法會議員黃宏發同各國領事都有到賀。
法國同德國駐港總領事分享兩國合作心得，大家都知法國人嗜酒，德國人則鍾情啤酒，見面時點搞呢？原來採取中庸之道，齊齊飲香檳。阿董得到啟示，話以後會多啲同立法會議員飲香檳溝通。不過八方覺得阿董都係個講字，佢見到白鴿黨同劉慧卿哋「挖苦」佢，只會扯晒火，邊有咁清醒識同人飲香檳？其實如果佢真係有政治智慧，請人飲中國花雕都得啦。
傳真︰2623-9278
電郵︰