紅、紫、金、銅……染髮潮流近年愈吹愈厲害，不論Highlight或全頭染色，自命趕潮流的人必然玩過。近期明星歌手都愛整色整水，推波助瀾發動染髮潮流。除了持久染髮，專業染髮師更預言真髮駁髮潮流今年會好熾熱。頭髮長期黑黝黝的又真係幾悶，趁農曆新年前搞搞係時候！
記者：梁珮瑜
攝影：林栢鈞、黃子偉（產品）
髮型：Zoe、Jack（tripleedge）
化妝：DoDoAuYeung
模特兒：Stephanie、MiaNg（Calcarrie's）
在髮界有13年經驗的Zoe，經佢手做色的藝人有韓君婷、梅小慧、鄺文珣等。「染髮是今年潮流，顏色就不再誇張，感覺要健康，返寫字樓的OL都染得。而想追Trend的男女，今年不要再染一頭全金色！」
以往駁髮是用編織的方法將假髮駁上，價錢昂貴兼費時。但今日的駁髮技術絕對快靚正，可隨時轉色兼價錢唔貴，難怪會愈來愈Hit。想頭髮經常轉色玩新鮮，駁髮絕對是理想選擇。
駁髮可以分真髮及人造髮兩種，真髮髮質自然，成本較貴，漂染後會如真正頭髮般褪色。而人造髮則主要以人造纖維製成，髮質不夠自然，但可製造鮮色髮束。所以想要點樣的效果則視乎客人需要，當然價錢亦會有差別。
售價：真髮駁髮每束$70
染色或經處理駁髮每束約$120（查詢：31020238）
一分鐘駁真髮
想長時間維持一個髮色，漂染是最佳方法，你可選擇全頭染色或局部染色，花款比駁髮多。
自己染髮最重要是時間掌握得好，若不，染出來的顏色會有不均或濃度不夠的效果。Zoe話現時最流行的髮色是紫、紅、銅，想染最HitColor就要參考以下好介紹。
GarnierColor含天然微礦物質、天然紅梅香薰油、維他命PP，有加強保護及柔軟順滑頭髮效果。(各大萬寧及藥房有售)
左：FeriaColorBooster的紫紅色偏向深紫，顏色靚又不太誇張。
右：ClairolHydrience的紅銅色都不錯，它還是市面上唯一有水溶性配方的染髮乳霜，可減輕染髮時，頭髮因酒精成份而引致的損害。
(各大萬寧及藥房有售)
顏色：紅、紫、朱古力、銅
長髮：局部玩一束束的Highlight，不要全頭染同一色。
短髮：玩MixColor，但顏色不要太誇長。
保養：染紫、紅色會較快褪色，要更持久就要用染髮專用的洗頭水、護髮素及無酒精成份的髮型用品。此外要減少戶外活動，因太陽的UV會加快染髮褪色。