章小蕙前晚往灣仔會展觀看電影《新鐵金剛之不日殺機》首映，她表示歷年眾占士邦演員中，最欣賞老牌影星辛康納利。她又表示很想當邦女郎，就算穿比堅尼，甚至全裸亦不介意。
章小蕙、任達華琦琦夫婦、艾永玲與外籍男友、寇鴻萍和女兒等前晚在灣仔會展，出席電影《新鐵金剛之不日殺機》首映禮。
章小蕙表示自小已喜歡欣賞占士邦系列電影，她說：「我由細睇占士邦電影到大，咁多占士邦當中，我最鍾意辛康納利，因為佢嘅西裝size都係五十二號，邦女郎我都好鍾意㗎。」章小蕙曾表示她鍾情穿五十四號西裝的男士，而前夫鍾鎮濤和前男友陳曜旻則穿五十二號西裝。
問章小蕙有否羨慕邦女郎於電影中的性感打扮？她笑說：「少布唔係問題，電影工作者可以有咁多靚衫着，如果可以做女主角，着bikini，甚至全裸都可以考慮，因為呢啲都係為藝術犧牲。以前都曾經有人問我有冇興趣拍一啲有劇情嘅性感鏡頭電影，不過𠵱家唔會考慮，因為我要全心全意搞好化妝品生意。」
章小蕙又將她的追求者比喻作占士邦，她說：「佢哋個個都好似007咁，總係猜測唔到，好似佢哋啲神態都好似占士邦，向住我噴煙圈等小動作。」
昨日有報道指章小蕙近日忙於搬屋，其前夫鍾鎮濤的女友范姜身兼母職，帶身體不適的B女（鍾嘉湄）睇醫生，章小蕙對此回應說：「我唔希望呢啲事透過傳媒變相作為新聞，呢啲係家事。」
