美股周二晚其實好消息不少，但杜指及納指仍然向下炒，杜指大跌143點，收8442，納指跌0.87%，收1364。杜指及納指雙雙跌穿去年10月延伸至今升軌支持8489及1383，短期若不能重返其上，杜指及納指將下試頭肩頂頸線8248及1327，再失料反覆下試去年10月底部。
睇見美股周二晚應升反跌，趙飛雲心中暗喜，點知港股未有出現預期大跌，恒指初段最多跌過112點，低見9456後已跌唔落，午市更出現挾淡倉，恒指僅跌8點，收9560。
港股早市跌幅不大，尚可解釋為摩托羅拉在美股收市後公布業績較市場預期佳，但外圍美股期指並無顯著上升，所以推測午市港股反彈是因大戶挾淡倉，倉內的恒指Put輪9556決定繼續持有，9556收0.109元，由最多升1.6仙變成倒跌0.3仙收市，不但早市追入的捧場客要輸錢，連昨日偷步入市的趙飛雲亦要損手，上落市確係搵食艱難。
雖然假設港股昨日午市是挾淡倉，後抽過後恒指仍會反覆尋底，但亦須預防有些利好消息只是大戶知散戶唔知，因此9556須嚴守9700止蝕位，如果持貨量大，恒指升穿20日線（現處9603）亦要減持。
恒指去年10月延伸升軌現處9370水平，亦是頭肩頂頸線支持位，一旦確認跌穿，將反覆下試去年10月底部8772。現時大形勢利淡，造淡較上算，但將進入戰爭市，後市變數太多，炒輪風險十分高，入市只宜小注，一般散戶其實暫宜離場，等候較好時機才入市。
趙飛雲