公益金噚晚喺君悅酒店舉行籌款晚宴，不過傳媒統統不准入內採訪，連影相都唔得，新聞稿亦欠奉，官方照片要幾日後先發放。但係成晚高官名流出出入入，包括特首夫人董太、政務司司長曾蔭權、楊永強、孫明揚等幾位局長，重有何鴻燊、邵逸夫夫婦及多位立法會議員，記者又點會唔去？惟有幾十人擠喺君悅門口嘅彈丸之地，迫到氣都冇得唞。
其實幾乎每個香港人都有份捐錢畀公益金，晚宴點搞法市民完全有知情權。八方覺得公益金最失策，就係唔知班有錢佬捐錢嘅心態，梗係愈多人知愈有面啦。
（圖）公益金副會長柯清輝（左）同董太笑得幾燦爛，都唔及着性感低胸衫嘅周梁淑怡（左二）搶鏡。
傳真︰2623-9278
電郵︰