香港京劇迷可以大飽耳福眼福，國內三大京劇團，由聽日起一連四晚，喺文化中心聯手演出多場好戲，包括《白蛇傳》、《楊門女將》等。
呢次嘅「中國京劇武旦群英會」係以「武旦」為主打。星期六晚嘅《穆桂英大破天門陣》，三位分別來自上海、瀋陽同貴陽京劇團嘅國家一級武旦李靜文、史敏及侯丹梅，會喺唔同場景分飾穆桂英，再加上表演團中最年輕嘅新星谷好好，全部英姿颯爽，想撲飛就要趁早。
（圖）榮膺「上海十大傑青」嘅京劇新星谷好好，演起《水滸傳》中嘅扈三娘有型有格。 黃創賢攝
傳真︰2623-9278
電郵︰