噚日新界總商會喺喜來登酒店租場，一次過做晒三件事，包括開例會、宴請新任港區人大代表，重有就係同恒生銀行簽約聯手推出會員優惠卡。雖然三樣嘢風馬牛不相及，不過一晚搞掂晒，效率可謂奇高。
新界總商會有超過八千幾個會員，憑卡可享有恒生一系列優惠，包括商業信貸特惠利率、團體門診醫療保費折扣等着數。商會會員做生意方便啲，銀行又多咗客戶，一家便宜兩家着。之後嘅晚宴更加大面子，請到中總會長陳有慶在內嘅二十二位新任港區人大，連政制事務局局長林瑞麟都到場，由新界總商會永遠榮譽會長張人龍、劉皇發作陪。
（圖）新界總商會同恒生銀行聯手推出會員優惠卡，新界總商會會長張德熙（右二）重即席展示佢嘅白金卡。
傳真︰2623-9278
電郵︰