每逢護膚品開倉或者特賣，總會吸引唔少貪靚嘅女士走去掃貨。其實要買平價護膚品，不妨去深圳昅一昅。前幾日我就喺百貨公司嘅OLAY專櫃，掃咗啲價錢比香港平差不多一半嘅面膜。除咗OLAY外，原來重有好多護膚品都平過香港，雖然大部份都係中國製造，不過佢哋都喺百貨公司或大型超市的專櫃出售，保證唔會係假貨魚目混珠。
記者：歐嘉荃 攝影：小王子 ImageGirl：Marcella
逢星期一至五刊出
OLAY喺深圳嘅百貨同大型超市都設有專櫃，而且價錢較香港平，好似喺香港賣到斷晒市嘅淨白保濕精華面膜(中國名為美容煥采面膜)，喺深圳就差唔多平一半。佢力Sell每塊含24ml的淨白精華乳液，連續用5日，塊面又白又剔透，以咁嘅價錢，連續用10日都得啦！
「我有試過呢隻Mask，不過就覺得同香港嘅唔同，大陸貨用完係白咗，不過塊面又乾咗，點平都唔會再買嚟用！」
經常要戶外工作的我，化妝袋入面總會有包Clean&Clear去油潔顏棉（中國名為去油潔膚棉），方便隨時隨地抹走面上的面油同污垢。喺深圳嘅價錢夠晒抵，一包只售?9.5，計番條數唔使?1就有一張，不過質地就無香港賣嘅咁厚。
TWINS最愛用的Clean&Clear潔面噴沫(中國名為保濕潔面摩絲)，以8折嘅價錢就可以喺深圳買到。一按噴沫就會出Mousse狀嘅洗面膏，可徹底清潔皮膚，重有保濕效用。
「我塊面較為敏感，好多護膚品都用唔到，我用開呢支洗面泡，覺得洗得幾乾淨，效果幾正！」
OLAY的TotalEffects全效修護霜（中國名為多效修護霜）亦深受歡迎，我聽好多朋友都話佢好用，喺深圳嘅售價大約係香港嘅65折。TotalEffects專門針對較成熟的肌膚，含維他命E、B等滋潤成份的Vitaniacin配方，可對抗細紋、色斑、乾燥等7種肌膚的老化現象。
「我平日都有用開TotalEffects，呢度嘅價錢的確幾抵，所以都會掃番啲返香港用！」
有李嘉欣呢位大美人做代言人的L'OREAL，近年的確多咗人氣。呢支完美柔膚乳霜（中國名為明效新顏滋潤霜），可避免肌膚過早出現老化，重有SPF15的防曬度，一年四季都啱用。
「我有好多朋友都叫我帶佢哋去買L'OREAL嘅產品，我會帶佢哋去百貨公司或者超市入貨，始終大公司較有保證！」
我自己本身係OLAY淨白按摩棉嘅擁躉，覺得佢好用又方便，卸妝同潔膚一次過做晒。而淨白按摩棉(中國名為淨膚棉)以雙面設計，可徹底去油去污又唔傷眼唇的嬌嫩皮膚，洗面同時美白。