顧紀筠昨日在尖沙嘴日航酒店出席「2003年度國際華裔小姐競選」記者會時，宣布今年夏天會與拍拖一年的圈外男友結婚，並展示未來夫婿求婚時所送贈的五卡半鑽石戒指，她說：「一開始拍拖，已經講明我係一個唔想結婚嘅人，因為我單身好耐，好嚮往獨身生活，但係佢畀到家嘅感覺我，𠵱家我覺得家庭好重要。」
一般而言，五卡半的鑽石戒指價值必超過七位數字，顧紀筠笑說：「唔係錢嘅問題，我知道佢好有心機揀，以我對鑽石嘅認知，呢粒鑽石係最高grade嘅。」
昨日大會頒發了「柔美肌膚獎」給曼谷代表2號陳美鳳，評判之一的顧紀筠說：「今日選嗰時，真係好似審犯咁，用四支麻雀燈逐個佳麗照，睇清楚邊個毛孔大，生暗瘡，但係有啲女仔都好心急，一坐低就報案話自己去完哈爾濱就生晒粒粒，又敏感。」
採訪：楊潔雯
攝影：甄朝健
