隨着今個星期一，響英之傑集團內部互聯網嘅通告中，落實萬事得汽車嘅莫Sir將於2月底榮休後，相信事件會逐步淡化下來；惟亞Mark相信莫Sir並不會就此淡出車壇，或許日後重有一番作為都唔定，大家不妨拭目以待喇！
其次響今個周末，唔少RV車迷期待已久嘅全新豐田Prado車系，亦會正式踏足香港。一如過往，據知新Prado跟上一代進口澳洲版本相同，大抵車頭鬼面罩等配搭與日本版有差異外，新車重會用上一台全新4.0公升V6引擎，馬力高達249ps/5200rpm，扭力亦有38.7kgm/3800rpm之餘，而且重係三排八座位設計，跟近期面世嘅歐洲SUV可謂不遑多讓。呢部On-road同Off-road表現兼備嘅豐田Prado，車價大約會響43萬上落。有興趣嘅朋友，就記得落Showroom睇睇喇！