香港財赤搞極都唔掂，睇嚟老董都好頭痕，重日日發夢都想快啲通脹。八方點知？咪多得佢老人家呢排頻頻講錯嘢囉。
老董兩個禮拜前讀施政報告時，已經試過將𠵱家香港面對嘅持續通縮，口快快講成持續通脹。噚日佢去赤柱出席懲教署周年檢閱會操，發言時話香港面對好多挑戰，泡沫經濟爆破、持續通脹、政府財赤、經濟轉型……吓？又通脹？唔係嘛，真係難怪市民埋怨政府成日假大空啦！
講開又講，八方噚日見到陳日君主教都應邀睇會操，之後急急腳離開，原來佢要趕住去隔籬赤柱監獄，探入境處縱火案班爭居權人士，加上監獄入面兩位神父，其中一位去咗讀書，剩返一位，所以陳主教都會多啲入去幫手。
傳真︰2623-9278
電郵︰