雪櫃對於許多家庭來說，不過是一般生活用品，但對於單親的阿玲而言，卻彌足珍貴。「咁多年嚟，我都冇試過自己買部雪櫃，部部都係執番嚟嘅；不過，早排執嗰部幾日前又壞咗，𠵱家搞到我踢晒腳，最慘我兩個細路哥啲藥都冇地方雪。」阿玲一臉懊惱地謂。
四十四歲的阿玲，與丈夫離婚多年，現依靠綜援金養育一對分別十二歲及十三歲的子女。奈何兩子女同患哮喘病，長子更有羊癇症，女兒則有皮膚病及眼球發育問題，他們須長期服用藥物。
阿玲慨歎：「真係唔好彩，我兩個細路哥都咁孱弱，誇張講句，佢哋食藥重多過食飯；𠵱家得我一個人照顧對仔女，成日好驚佢哋有乜頭暈身㷫，加上我自己身體都唔係咁好，壓力真係好大。」阿玲本身亦是長期病患者，現須定期往醫院的骨科、眼科、婦科和皮膚科覆診。
由於家裏有大量藥物需冷藏，雪櫃突然壞掉令阿玲甚感彷徨，較早前，她也曾找電器師傅試圖維修，豈料卻因為雪櫃實在已經太殘舊，無法修理。阿玲表示，平日生活捉襟見肘，要她儲二、三千元購買一部雪櫃，實在不容易，她期盼善長能慷慨捐助，助三口子實現夢想。
捐款編號：C0799
暖流熱線
電話:29908688
傳真:23702192
電郵:
網址：