葉太獲贈有味安全套 - 李八方

  葉太獲贈有味安全套 - 李八方

噚日有個「香港安全標誌證書」頒授儀式,保安局局長葉劉淑儀都有出席,重搞到採訪嘅行家嘩然,但今次同《基本法》二十三條無關。

「有冇經過爆破測試?」
話說會場內有唔少產品嘅攤位,其中梗唔少得有「非常安全」嘅安全套,當葉太入場時,宣傳「杜蕾斯」安全套嘅鬼馬公仔即刻上前,將一個多果味安全套遞畀葉太,葉太接過後,展露笑容,在場行家馬上起哄,究竟葉太諗緊乜呢?
葉太跟住參觀另一個安全套攤位「活色生香」,佢再度接過職員送上嘅朱古力味安全套。
今次葉太重忍唔住問,究竟啲套係咪經過微菌同爆破嘅測試程序?職員見葉太咁有興趣,就好抵死咁答話只係測試吓有冇「漏水」啫。
(圖)葉太(右)參觀「活色生香」安全套嘅攤位時,喺職員手中接過兩個朱古力味安全套。



傳真︰2623-9278
電郵︰[email protected]