立法會政制事務委員會噚日開會傾選舉細則，關乎到各位尊貴議員切身利益，當然非常緊張啦。
劉慧卿首先提出過去一啲學者嘅意見，認為𠵱家政府成日話候選人上電台電視要有平等時間，搞到你、我、三嬸同四嫂齊齊上電視都係咁多時間，表面上公平，實質唔多公平。
林瑞麟局長馬上明白卿姐所言何解，相信卿姐都係講緊香港可以學外地嘅選舉咁，「往績優良」嘅候選人可以上電視擂台比試；但政府唔應該決定邊個候選人優良啲，所以都會沿用平等時間做法。民建聯葉國謙都加把口話撥火，話卿姐嘅建議好唔公平。
以八方做傳媒嘅角度嚟睇，當然覺得有份量嘅候選人隻揪可觀好多啦；不過卿姐大家係咁拗，臨場退出話：「主席我唔敢講嘢嘞，好似街市咁！」
傳真︰2623-9278
電郵︰