加拿大幅員廣闊，是極之注重生態保育的國家。今次數度穿梭在加拿大的國家公園，發現有好多個鐵箱上，都貼有熊仔標誌。行埋去先知，原來呢啲係垃圾箱，上面寫住：「Keepbearswild,UsethisBear-Proofgarbagebin」，意思即係「麻煩你用呢個防熊垃圾箱，以保持熊的野生環境不受破壞」。開頭唔係好明，以為只係勸喻你唔好隨街亂掉垃圾，經當地人解釋，先知道原來好多熊仔聞到垃圾箱裏面有食物的味道，於是日日走嚟垃圾箱搵食，結果令佢哋過份依賴人類，唔識得自己獵食，破壞晒食物鏈的自然運作。為此，專家們改善咗垃圾箱的設計，全部使用封閉式，普通人揼垃圾就要拉開個蓋放入箱內，而熊仔無咁聰明，唔識開蓋，惟有自己去搵食喇！
記者、攝影：余敏