《蘋果》噚日報道香港考試及評核局內怨聲載道，唔少行家都跟進，為咗一次過回應，考評局就舉行咗個記者會。考評局秘書長蔡熾昌親自出嚟，講解顧問公司進行嘅「策略檢視」研究報告。報告入面提到考評局員工有唔少不滿，唔知係咪為咗證明員工支持管理層，記者會其間，竟然有十幾個員工坐埋一邊，默默支持老細咁款。
蔡熾昌承認，內部溝通確實不足，為咗改善情況，已經訂立咗一系列同員工交流嘅措施，包括設立專門用嚟反映意見嘅專用電郵地址，佢重會喺放工後親自接見員工。八方覺得，考評局要改善內部溝通應該唔難，睇吓局方話咁易就可以「吹雞」兼「晒馬」就知啦！
傳真︰2623-9278
電郵︰