身負裕泰興二億五千萬元債項的章小蕙，近日愈住愈富貴，儘管她昨日聲稱新居租金是由其公司支付，但一提到還債亦不禁變臉。而裕泰興負責人羅守耀則說：「我哋睇到一個訊息，就係佢有能力還債。」
章小蕙雖然負債纍纍，但仍然揸靚車換大屋，由大坑道月租三萬元的千多呎單位，搬往山頂道月租六萬五千的二千四百呎豪宅，其債主、裕泰興負責人羅守耀，亦有留意本報昨日有關章小蕙搬屋的報道。
對於章小蕙愈住愈富貴，羅守耀昨日在辦公室語氣平和地說：「呢件事畀到我哋一個訊息，就係佢係有能力還錢，話到畀我哋知佢應該可以還得到，對方其實係有錢嘅。」若再與章小蕙打官司，動輒要花數百萬律師費，且未必能討回所有債項，羅守耀說：「呢個係其中一個可能性，我哋會睇吓有冇機會收番錢，至決定打唔打落去。」
昨日上午搬運公司陸續將家具搬到章小蕙的新居，而章小蕙在下午一時許正式入伙後，於下午四時許帶同一對兒女返回中環時裝店。對於搬屋一事，章小蕙直認不諱，但卻死撐說：「啲租金係公司畀，我係公司高級職員，啲信用卡、車同屋都係公司畀我。」
章小蕙身為公司老闆，她以公司名義換車換大屋的花費，其實出自自己荷包，解釋實在牽強。章小蕙又說：「我如果富貴，就唔係咁嘅行頭啦，梗係有自己物業，手上有好大粒石，車一次過畀錢唔使慢慢供啦。」
章小蕙又指舊居月租其實是四萬，而新居月租市價雖是六萬五，但因市道欠佳，業主願意減租，為此，新居租金其實只是較舊居多出百分之二十。然而，當記者問到她是否有能力償還債務時，章小蕙即面色一變說：「今日唔講呢啲嘢。」
採訪：陳梅香
攝影：娛樂突發組
