每年的金球獎頒獎禮，眾女星例必爭妍鬥麗一番，今年《People》及《InStyle》與本港形象指導張學潤（Nelson），亦一一品評眾女星的打扮。當中莎瑪希恩雖無法擊敗妮歌潔曼成為影后，但卻與妮歌同時被《People》雜誌派駐會場的設計師選為最佳衣着得主，總算爭一口氣，反觀出爐影帝積尼高遜的女友羅娜芬寶恩，以一襲騎呢芭蕾舞衣示人，則被《People》選為最差衣着人辦。
《老友記》女主角之一的歌翠妮確絲（CourteneyCox），其亮麗曲髮條理分明，被《People》雜誌大讚可與其晚裝互相襯托，入型入格。
希芙嘉咸（HeatherGraham）雖然穿上一襲靚靚低胸裙到場，但卻配以一頭蓬亂散髮，因而被《People》雜誌大彈為掃把頭，列為最差髮型得主之一。
《色慾都市》女星甘卡拉圖（KimCattrall）笑言憑「同好多男人上床」，始成功奪得電視劇組「最佳女配角」獎，其性感晚裝獲《InStyle》雜誌大讚。反觀積尼高遜女友羅娜芬寶恩（LaraFlynnBoyle）的裝束，則被《People》評為超齡芭蕾舞學生。
因腳趾受傷而要撐枴杖上台領獎的珍妮花雅麗絲頓（JenniferAniston），憑《老友記》成為金球獎電視喜劇「最佳女主角」得主，更被《InStyle》雜誌大讚為「最佳衣着」女星，高貴莊重兼備。不過Nelson則說：「我覺得佢件衫個款過晒時，冇乜特別，重暴露咗外國女性大隻嘅身形缺點，唔夠婀娜多姿。」
懷孕八個月的嘉芙蓮薛達鍾絲（CatherineZeta-Jones）以Versace晚裝上陣，配以FredLeighton五十卡鑽石頸鏈，Nelson說：「佢着呢條Versace顯得好老氣，佢條鏈墜同頸鏈都唔合比例，所有嘢夾埋，感覺就係好老氣。」
荷爾芭莉（HalleBerry）以一襲粉藍色晚裝配HarryWinston鑽飾，全身打扮總值約三千九百萬港元，非常矜貴。
Nelson說：「佢咁着好高貴大方，充份表現出女人味，再配埋個乾淨嘅髮型，望落去已經好舒服。」
莎瑪希恩（SelmaHayek）以一襲奪目紅裙示人，《People》雜誌認為襯上其驕人身材及化妝，整體打扮非常突出，成為最佳衣着女星乃實至名歸。
電影《走佬俏公主》女主角安夏菲慧（AnneHathaway）被《People》雜誌指她嬌俏可人，不過Nelson卻說：「我覺得佢條裙顏色濃咗啲，若果可以選擇粉色，效果會好啲。而且佢條裙太低胸，但有時太大胸着衫反而唔靚。」
衣着打扮一向劣評如潮的金美侖戴雅絲（CameronDiaz），昨日亦被Nelson批評她不夠大體：「佢條裙係好靚，但嫌唔夠隆重，似去雞尾酒會多啲。」
