憑主唱電影《我的野蠻女友》主題曲《IBelieve》，而在香港大紅的韓國男歌手申昇勳，昨日接受本報訪問時，大力否認韓國日前有報道指他將引退一事。
申昇勳說：「呢啲全部都係大話，我會唱歌同作歌直到我死為止，我都唔明點會傳出啲咁嘅事，五年前重試過離譜到傳我死咗，可能我好少出嚟見人啩！」
入行多年的申昇勳，憑《IBelieve》的苦情傷感聲線迷倒本地樂迷，他對自己的歌聲亦十分自豪，申昇勳說：「韓國有好多唱苦情歌嘅歌手，都係以我把聲為標準，我嘅唱功都影響咗唔少韓國歌手。」
不過，申昇勳強調自己並不是一個悲觀的人，他說：「我只係較為文靜，平時鍾意讀吓詩，我都有幽默嘅一面㗎！我有時都會唱吓快歌，可惜冇乜人留意，不過今後我都會繼續以唱情歌為主。」
申昇勳日前出席「十大中文金曲頒獎典禮」時，表示對香港很多歌手都十分欣賞。被問到會否覺得陳奕迅與其好友車太賢很相似時，申昇勳笑說：「講開我又覺得幾似喎！」而他在本周三（二十二日）則會再度來港，為周六舉行的「2003年度國際華裔小姐」選舉，進行綵排。
採訪、攝影：盧幼萍
