「返工成日怕俾人打，唔做囉」
看更三捱住客醉拳辭職

【本報訊】「返工成日怕俾人打，咁唔開心，我有仔有女唔使憂，今日就辭職唔做囉！」北角一名大廈看更，聲稱過去兩個月多番無故被一名醉酒住客襲擊，昨凌晨第三度遇襲受傷。醉住客疑發酒瘋推倒看更枱時，「自食其果」壓傷腳部被捕。看更恐再遇襲，決定「斬腳趾避沙蟲」，提早退休安老。　記者：李家傑

聲稱多番無故遇襲的看更姓鄧（六十五歲），從事大廈看更工作已經十多年，年多前轉到北角春秧街一幢大廈當夜更看更。

酒後舉止失常
至於涉嫌多番酒後失常、打人男子姓黃（二十七歲），據悉住大廈一單位。
事主表示，近兩個月曾兩次遭對方企圖襲擊。「兩次情況都一樣，佢飲醉酒返嚟就大力踢鐵閘，我一開門佢就發癲想打我，兩次我都避開咗冇受傷，有一次我都有報警，但佢走咗我冇再追究。我冇得罪過佢，都唔知點解。每晚返工都好怕碰到佢飲醉酒！」他透露疑兇平日無飲酒時，言行舉止正常無異，但酒醉後卻判若兩人。鄧伯續稱，昨凌晨零時許，疑兇飲得滿身酒氣，由一名男子攙扶返大廈。「佢又大力踢門，我一開門佢又追打我，我走唔切腰部中咗幾拳，佢又將門口張看更枱撞冧，結果佢右腳俾張枱壓傷。」

疑兇送院留醫
鄧伯遇襲後立即報警，受傷疑兇逃出街上，要求同行男子攙扶他離開時，被趕至警員拘捕。他腳部受傷需送院留醫，情況穩定，鄧伯送院治療後無礙出院。
對於多次被醉酒住客無故襲擊，鄧伯表示無奈：「返工成日怕俾人打，咁唔開心，我有仔有女生活唔使憂，今日我就辭職唔做提早退休囉，唔想一返工就擔驚受怕！」記者事後到鄧伯任職的大廈找他，鄧伯原來已放假沒有上班。