訪問前翻看資料，發覺近幾年林海峰只有一個專訪，一睇已是96年。沒有看錯是96年，之後的他由娛樂版轉至潮流版，無論身份是JanLam或林狗，是歌手出碟或舖頭出Tee或出書，他都是「代言人」，談自己Product談潮流多過談個人，是次也不例外。
當年他離開電台，大概因沒有正職，訪問劈頭就問他「覺不覺得自己很懶」，這在今日大概沒有人會懷疑吧：每天在電台開咪、每年出唱片、拍過電影短片、當過老闆出過Tee、與MichaelLau時有合作……除第一項工作外，一個已婚男人似乎毋須犯這險。
「搞呢啲，其實就好似肚餓……到時到候就要食咁自然。」
記者：何兆彬 攝影：陳智良
上一張唱片是01年的《林狗十大傑青》。是次由新藝寶轉到EMI外，還找來台灣火辣樂隊糯米糰製作全碟。潮流友往往期待JanLam的包裝更甚於其內容，今次可會失望？這唱片音樂以外也只有音樂。沒有Boxset，更不會有Figure。
「最初構思係想做兒童Pop-up書咁，一揭就立體爆開。但打過價太貴了，負擔不起。心諗自己都有份做過啲超大的唱片，今次不如做番正常的唱片Size，於是甚至個CD盒做厚咗少少我都唔要。」
以前你說過所有嘢都要變成Product，就算產品最後變成空氣都會有Memories，會否覺得以前（包裝）玩大咗𠵱家好難回頭？
「不會。我覺得是有需要才會做，也許下次會做番。今次隨碟都會送一隻MVVCD，也希望買碟返去覺得多嘢，算是一種增值吧。」
老實告訴我，做唱片辛苦，不易做吧，其實有無錢賺？
「嘿。我是知道自己賣幾多碟的，不能說賺甚麼錢，但總算維持到，又不會害老闆賠錢。出唱片其實就像肚餓，到時到候就覺得要做，尤其有老闆支持，就更覺得要做。」
專輯叫《我撐你》有無乜意思？在香港要出唱片，需要人撐嗎？
「其實沒甚麼意思。錄唱片往往是這樣：你打算刻意去『做』一首主打歌，這首歌往往就是唔掂，錄這張唱片時錄了九首歌都沒有主打歌，也沒有大碟題目，《我撐你》（主打歌）是最後兩日內完成的。總之有Deadline迫過來就會完成了。
「個『撐』字用得就代表唔得，撐要用力㗎，正顯示了被撐者的無能。在我來說沒有人撐我我也不撐人。唱片老闆又不是我爸爸。」
怎遇上、找上糯米糰？
「起初是在節目播他們的歌，覺得好正，碰面後就問他們可否幫我製作。唱片在台灣錄製，覺得他們好正，中國人根本沒有這樣的音樂，很可惜這樣好的音樂竟然很少人找他們。合作前發現有件怪事，就是在美國唐人街發現當地的翻版碟，竟然把我同糯米糰、LMF『收錄』在同一張碟上。」
96年你說希望十年內每年出一張唱片、又拍拍電影，電影計劃可有變了？
「出了幾張唱片，希望電影會是下一個Chapter。一直很佩服那些電影人的專注──賣屋賣車賣掉家當，都要把作品拍好。我份人比較周身刀、無張利，做吓呢樣又做吓嗰樣，雖然有時都幾享受。」
市道那麼差，為何那麼有信心拍電影？
「其實現今亦有人是分身做電影的，雖然未有實質計劃，但我知道自己是會做的，跟唱片一樣，有Deadline就會完成吧。拍的當然是商業片，不會要老闆賠錢。目前我只有零碎的念頭，你看看《無間道》、《金雞》的成功──劇本始終是一劇之本，說到尾也先得把它弄好。」
其實阿Jan所有adidas都無贊助，因乜咁撐佢？「我同Wyman先傾完呢個問題──如果一個歌手冒起之時撞啱一個新牌子，兩者又夾，自然有火花。而我，唔通着番嗰啲日本牌子咩，通街都係制服咁，不如着番自己最鍾意嘅（adi）囉！？」至於封套、海報為何咁黑鬼OldSchool（adidasTracksuit+金鏈），佢話「無㗎，最主要都係有朋友幫我Bid到呢件adi皮褸，好想着！件褸以前喺雜誌見過，問香港代理話無，重試過喺外國街頭見到人着住，衝前問佢賣唔賣，但又買唔到！」
要JanLam講講唱片靈感來源，點知佢話近一年只聽兒歌（因為女兒吧），文字呢？「唔……講幾米好似人人講鍾意村上春樹咁，等於無講呵。」於是問佢去年十大推薦，他一口氣講了幾個，竟都是本地創作。當中自然少不了商台自家搞作。
「由香港出發，在國際產生迴響，他們重新包裝設計，令大家再對Design產生興趣。」
「本土時裝雜誌，好有心機，尤其是聽講只由兩個人做。」
「無合作過你唔會明白鄭秀文點解值五百萬，但一合作過就明。好似劉德華在《鴿子園》一樣，你會知佢有幾專業。」
「俞琤一年無喺《叱咤》講話，一開聲……嘩，佢介紹《好心分手》時嗰種情緒、聲調，係種舊式播音人的技巧，佢話畀我聽我做咗咁耐重有大把嘢學。」
「其實係一本入得屋嘅鹹書，好男人，樣樣都有，有啲踩界，文字極佳。」
「英國電視主持，節目好踩界，例如訪問一位三級制評審員，又會問吓佢日日咁睇會唔會『硬』，插科打諢之餘講咗好多我哋唔會提到的社會問題，你又吹佢唔脹。」
「全年最正的創作！簡單，只係將兩隻眼打橫放就知佢想玩乜，但你又唔可以告佢意識不良，反而你會被人問番係咪自己意識不良。好正！」