慶祝結婚周年有感而發？
榮文蔚預咗七年之癢

香港癌症基金會慈善晚會前晚於灣仔君悅酒店舉行，榮文蔚偕夫婿阮偉文及兒子出席，她透露剛慶祝結婚七周年紀念。問榮文蔚可擔心「七年之癢」？她說：「預咗啦！」

香港癌症基金會（CancerFund）一年一度的慈善晚會，前晚於灣仔君悅酒店舉行。今年大會以「神秘庭園」為主題，會場布置成中西合璧的綠色花園，性感model扮仙女穿梭場中。

「我愛你」搞喊老婆
阮偉文是香港癌症基金會籌委主席，他帶同十個月大的兒子阮永謙和太太榮文蔚一同現身，榮文蔚透露大前晚是二人的結婚七周年紀念日，她說：「我哋今晚（即昨晚）會再慶祝，之前已經prepare咗禮物。其實七年嚟經歷好多唔開心、開心嘅事，佢都對我好好，頭先佢上台致辭，重公開講『ILoveYou』，搞到我喺台下眼濕濕。」
問榮文蔚可擔心七年之癢？她說：「預咗啦，唔擔心，大家明㗎喇！」問她如何維繫婚姻？她說：「冇㗎，大家溝通多啲囉。」至於會否再追生子女，她說：「老公想，我就怕怕，生第二個（身材）好易『where』，順其自然啦，我都會追個女。」

印度西施廖碧欣
而出席慈善晚會的社交名人還包括上海富商周正毅太太毛玉萍、賭王何鴻燊四姨太梁安琪、九巴太子爺雷兆光雷林靜怡夫婦、李國寶的緋聞女友廖碧欣和外籍男伴、艾永玲偕男友、趙世曾偕女友Wendy和蔡慧敏等，以六萬至十三萬元不等買枱，有些嘉賓更穿中國服配合大會dresscode。其中廖碧欣一身鮮黃色露臍裝，戴上皇冠，以印度西施look示人，十分搶鏡。
採訪：RitaLeung、JessicaNgan
攝影：ChanChiLam