前日八方去聽音樂，個音樂會原本喺啟德南停機坪露天舉行，成八個鐘咁長。一心諗住可以喺明媚嘅陽光下欣賞韓國天后朴志胤、台灣才女陳綺貞、重有張震嶽、伍佰同黃秋生嘅演出，點知當日先知音樂會臨時改喺九龍灣國際展貿中心舉行，入到去幾千個觀眾被分成幾區，重用鐵馬攔住，情況真係慘過去示威。
噚日睇報紙，先知原來係主辦單位應警方要求改咗地點。唔知警方係咪經過舊年平安夜文化中心一役，驚啲年輕人一聚集就失控，所以咁大陣仗，但八方喺現場所見，雖然要排成個鐘頭等搜查入場，大部份嘅後生仔都好守規矩；即使個場地又咁唔理想，都完全冇鼓譟，警方係咪過敏咗啲呢？
傳真︰2623-9278
電郵︰