大律師公會前主席梁家傑上周四落莊，由陳景生接棒，八方相信佢必定能夠秉承大律師嘅優良傳統，公正不阿，仗義執言。
講番梁家傑，兩年前佢初當選，大家都覺得佢其貌不揚，但二十三條一役鋒芒畢露，為大律師界建立起崇高的形象，而喺法律年度開幕禮上嘅演詞，更令唔少大狀感到好驕傲。
如似李柱銘，佢同八方講，自己睇完梁家傑嘅演詞，第二日起身，忽然有一種好特別嘅感覺，「Ifeltproudtobeabarrister!」馬丁用英文講完，又用中文講，話為梁家傑感到驕傲！
八方識馬丁咁耐，好少見到佢咁興奮。佢話自己做咗咁多年議員，從來未有過呢種自豪感，因為有部份議員嘅表現，令佢感到好羞家好慚愧。
傳真︰2623-9278
電郵︰