最近有地區團體同八方講，房署「上有政策、下有對策」，激到佢哋哭笑不得，因為好多地區團體定時會做居民調查，向政府反映民意，等政府了解市民多啲，可以「急市民所急」。有啲地區團體更學足統計處咁，先向被抽中嘅屋邨住戶發信講明幾時嚟家訪，唔想嘅話可以向團體講，冇反對就會派人去做家訪，再整理問卷調查結果後交畀政府參考，基本上盡量做到唔擾民。
雖然呢啲調查可能唔夠港大民調咁科學化，但房署可以慳水慳力，知道居民意見又何樂而不為呢！房署重成日話居民係佢哋嘅客仔，要好好照顧，但房署有啲地區辦事處就非常僵化，死唔畀任何地區團體喺邨內做問卷，尤其係深水埗區，反而觀塘區就冇咁麻煩，居民亦冇因為嫌煩而去投訴過。
傳真︰2623-9278
電郵︰