八方噚日晨早八點撲入西貢北潭涌郊野公園睇半馬拉松賽,新鴻基地產副主席湯馬士郭炳江一如往常,率領新地員工參加公益金主辦嘅公益慈善馬拉松。湯馬士接近八點半現身,一去到就熱身,佢今年嘅成績差三分鐘先夠兩個鐘,好犀利。湯馬士話比舊年快咗五分鐘,但八方記得佢舊年一小時五十分已經跑足全程,莫非郭二公子隻手表唔同咗?
湯馬士就強調旨在參與,成績唔重要。其實跑幾多個鐘真係唔重要,最緊要係喺郭二公子號召下,新地同其他大公司都積極支持呢項籌款活動,今年出席嘅人數超過五百四十名,另有九間機構嘅行政總裁參與賽事,為公益金籌得更多善款。
(圖)郭炳江賽前認真準備,但呢個動作就略嫌不雅喇。
傳真︰2623-9278
電郵︰