九七回歸之後，經濟一片慘淡，習慣生活無憂嘅香港人一提起回歸，特別有滋味。八方早前寫過有個「三羊啟泰」中國書畫精品拍賣會噚日舉行，有幅繪畫國家主席江澤民九七年時同行政長官董建華握手嘅畫卷，名為《世紀的握手》嘅水墨紙本鏡片，正係描繪九七年七月一日香港回歸嘅歷史時刻。
《世紀的握手》作畫人籍忠亮同八方講，幅畫係○○年時喺廣州畫嘅，題材當然係講中央決定任命董建華為特首，期望帶出國土回歸及互相信任嘅信息，佢作畫時亦用咗水墨繪畫人物，希望凸顯人物生活一面。幅畫叫價二十萬港元，但場內冇人出價，最後由一位買家來電以二十五萬買咗。
睇見咁情景，真係有啲欷歔，回心諗吓，如果特首過去五年政績唔係咁唔得民心，呢幅畫會唔會有人爭相競投呢？
（圖）《世紀的握手》嘅作畫人籍忠亮話用水墨作畫，係希望凸顯人物生活一面。
傳真︰2623-9278
電郵︰