早排八方喺聖士提反書院創校百年聚餐，見到佢哋位知名校友，人稱「張公」嘅張正甫，佢講開自己最近忙乜，非常雀躍，話一共有五份義工做緊，包括做善寧會籌募及宣傳委員會主席。
八方以前都講過，善終會主席梁智鴻有感於個「終」字唔好聽，所以舊年搵咗資深報人韓中旋改名，轉咗叫善寧會，張正甫話咁樣改的確好有用，特別係佢負責籌款，如果開口埋口都講住「善終」兩個字，實冇人肯聽電話啦，𠵱家就容易得多，所以個名真係好重要。
於是八方問張公，有冇幫老婆大人蕭芳芳手護苗，點知佢老哥反應好快，第一時間話各有各做，不過，有心水清之人就笑佢夫婦，一個負責睇住小朋友，一個負責老人家，分工好清楚，可謂由細照顧到你老，服務周到。
（圖）蕭芳芳同老公張正甫各自為社會服務，兩個都係有心人。
傳真︰2623-9278
電郵︰