張栢芝近期每次失戀都以紋身麻醉自己，更曾紋下與謝霆鋒的「C&N」紋身。栢芝另一舊愛陳小春前晚接受訪問時，大談紋身，他表示若紋身是為愛情留紀念是很膚淺，擺明窒栢芝。
張栢芝跟謝霆鋒分手後，有報道指她「翻啅」陳小春，不惜一擲八萬元買下二百張小春的演唱會門票，可是二人的愛火仍未能重燃。小春前晚在尖沙嘴為無綫節目《萬眾一心耀東華》錄影，他表示若為紀念愛情而紋身，十分膚淺，而其舊愛栢芝卻接二連三因為麻醉失戀的傷痛而多次紋身，更曾紋下與謝霆鋒的「C&N」情侶紋身。
小春早前曾揚言會在手臂內側位置紋上「36」幸運號碼，但近日都未有行動，他解釋說：「怕痛嘛，女人不嬲都捱得痛。」問小春為何不請教經常紋身的栢芝，他說：「唔好再講我同佢，○二年要講都講晒，○三年要講啲令藝壇發揚光大嘅嘢。」
問小春可介意女友身上紋有前男友名字，他又說：「你都識講以前，唔通叫佢割咗塊皮去，我唔介意。𠵱家談戀愛唔係咁思想守舊，同得佢一齊都唔諗咁多。」那小春可會把女友名字紋在身上，他說：「愛情兩個人一齊已經夠，唔需要用紋身去做指標，咁樣有負擔。」
小春覺得要紀念愛情，他會記在腦海，小春說：「以前嘅嘢放喺心中，得閒諗吓都心甜，回憶係冇得同大家分享，紋出嚟係膚淺回憶。」
問小春這樣的說話可怕得罪人，他理直氣壯的說：「全部係代表我陳小春立場，唔關人事，乜都怕不如扮啞巴。」
此外，栢芝和梁家輝前日喺鄭州出席內地服裝廣告記者會，栢芝更即場行catwalk，她表示遲些會參加內地一個春節晚會的表演，日內會到北京參加綵排。
採訪：李珮洳 攝影：何國豪
