陳冠希（Edison）和緋聞女友陳文媛（BoBo）前晚錄影無綫節目《萬眾一心耀東華》時，心有靈犀地穿上芥辣黃情侶裝。Edison跟BoBo為避嫌，除要助手為二人「睇水」避免碰頭外，Edison更醒目加穿一件啡色外套，實行混淆視線。
陳冠希和緋聞女友陳文媛、男子組合EO2、E-kids、Shine、九人女子組合Cookies和英皇三T的鄭希怡（Yumiko）等，前晚在尖沙嘴文化中心錄影無綫節目《萬眾一心耀東華》，Edison和BoBo品味一致的穿了芥辣黃色的情侶裝。
當BoBo在後台接受訪問期間，Edison一度欲走出來，最後卻披上一件啡色外套才出來，而且Edison和BoBo全場都沒有碰頭，皆因Edison和BoBo的助手在現場「睇水」，以防記者發現二人碰面。
問BoBo她跟Edison的衣服撞色，她𤷪𤺧地說：「唔好再講，日日講好煩，可唔可以有一次個訪問可以完全屬於我自己一個。我着呢件衫係事前一早同EO2、E-kids夾咗，因為呢個節目會喺新年播，所以我哋夾咗唔着沉色。」
問BoBo為何不穿着紅色的衣服？她說：「我都有紅色衫，而且今年興黃色。」而Edison則做完節目便匆匆離場，並沒有接受記者訪問。
此外，Yumiko近日露背拍攝雜誌封面，她對此說：「呢個係我性感嘅極限，好多人睇到都話好靚。我試過喺便利店見到有男仔睇住本書，嗰種感覺就好似俾人望住個背脊一樣。」
採訪：李珮洳
攝影：何國豪
