或許真的事業得意，情場失意。千嬅除了九九年與鄭中基的一段情外，甚少傳出緋聞。他倆拍拖不足半年便告分手，但近日又屢傳二人復合。
千嬅說：「同佢分手最大原因係性格唔夾，我只可以話𠵱家同佢重好有感情，佢唔係我可以結婚嘅對象，佢會係我好關心嘅好朋友，大家會約食飯，會通電話同講心事，不過復合就唔講得，因為我同佢都太清楚對方性格，知道再走番埋一齊都係會散。」
快將三十歲的千嬅，像其他人一樣會擔心找不到對象，但她擇偶仍要求多多。她說：「要有幽默感、只愛我一人、比我有錢、聰明、細心、年紀同思想比我成熟，同埋接受我嘅所有缺點。不過，要求咁多條件都冇用，如果遇到一個自己好鍾意嘅對象，乜都唔使講啦！我今年都二十九歲，到𠵱家都未有其他男仔追，不過我都好想拍拖。」
很多藝人都慨歎難找對象，原來千嬅的歌手身份，亦曾嚇怕不少追求者，她說：「試過有次朋友介紹個男仔畀我識，食食吓飯佢中途竟然走咗去，原來佢驚俾狗仔隊影相。」