圍頭菜中，有一道「香芹荔芋煮臘肉」絕對家傳戶曉，人人食過無不讚賞。元朗食神梁文韜（韜哥）話煮芋頭臘肉，一定要揀肥臘肉，貪佢油多，這才能煮出臘肉那種獨特香味。想知點煮？韜哥二話不說，着起圍裙，即刻入廚教你煮。
步驟一：先將臘肉、香芹、芋頭用清水洗淨，然後將芋頭切大角，臘肉和香芹切粒。
步驟二：燒滾油，臘肉落滾油內炸，炸約2-3分鐘撈起，備用。
元朗食神梁文韜以甘香、濃郁來形容臘味的味道。當然，臘味的烹調方法各有不同，有廚師話最好炒，有師傅話蒸最正，但總結起來，煮臘味菜有幾點實在不容有失，韜哥謂：「臘味有大量油份，煮時下少許油，否則臘味菜會好油膩。其次係臘味太濃味，最好配乾身和淡味的食物，例如薯仔及芋頭。」不過說到底，韜哥還是認為臘腸配白飯同蒸才是極品，「待飯粒剛好收乾水時，將臘腸鋪在飯面，不會因水煮而失味，濺出的臘味油又能滲入飯中，香噴噴到暈。」
中國人食臘味有千多年歷史，而中國臘味亦有過百種之多，尤以臘腸最有代表性，外國人稱之為「中國香腸」。香港人習慣入冬食臘味，對臘腸需求量極大，每年臘腸食用量高達二千萬條。「和興臘味」負責人鄧先生表示，要分臘腸的好壞，便要看它的淨瘦肉所佔份量，淨瘦肉愈多便愈高級數，價錢亦愈貴。想知點樣至係好臘腸？即刻話你知。
傳統上，臘腸有等級之分，大致可分四級，根據配方中肥瘦肉比例作為區別；而紮緊臘腸所用的繩，繩上顏色亦可作記認。
以麻繩或粉橙色繩紮的，肥瘦比例為1：9，每斤約18-20條，$168/斤。
以粉紅色繩紮着，肥瘦比例為2：8，每斤約12-14條，$88/斤。
紮以綠色繩，肥瘦比例為3：7，每斤約12-14條，$76/斤。
用白色或紅色繩紮，肥瘦比例為4：6，每斤約12-14條，$65/斤。
而鄧先生說，特瘦臘腸雖然脂肪含量較少而比較健康，但肉質亦會較乾韌，市面上依然是以特級臘腸和一級臘腸較受歡迎。
「和興臘味」鄧先生教路，買臘腸要睇肉色是否鮮明，肥瘦肉分布夠唔夠均勻，記緊以下五招，就包保萬無一失。
電話：25440008
地址：香港皇后大道中368號偉利大廈地下5號舖