何志平賀莫札特247歲 - 李八方

  何志平賀莫札特247歲 - 李八方

一月二十七日係音樂天才莫札特二百四十七歲生日,噚日金寶湯贊助咗香港管弦樂團,喺大會堂舉行「莫札特生日派對嘉年華」同音樂會,識拉小提琴嘅民政事務局局長何志平帶埋靚老婆胡慧中捧場。可能胡美人怕曬黑,只留喺戶內聽音樂,剩低老公喺戶外同香港管弦會常務委員會主席胡法光、香港管弦樂團音樂總監黃大德,同一個代表天才莫札特嘅小男孩一齊切二十七磅幾嘅大蛋糕。何局長玩攤位遊戲重贏咗隻手表、T恤同幾罐心愛嘅罐頭湯。
其實何局長同黃大德兩個都做過眼科醫生,不過何局長先讀音樂,後轉讀醫;黃大德就由哈佛醫學院畢業後做眼醫,兩年後棄醫從樂。
(圖)何志平(左)同「小莫札特」齊齊切大蛋糕。


傳真︰2623-9278
電郵︰[email protected]