在娛樂圈發展，除要付出失去私隱的代價外，還要接受外界批評，千嬅自問已習以為常，不過她最接受不了的是家人受傷害和騷擾，她聲言若傷害其家人，必定跟你拚命。
千嬅說：「我好錫屋企人，任何人搞佢哋，我一定同嗰個人死過，我唔係講笑㗎，原本我係好想同屋企人住，但後來自己搬開住都係唔想俾狗仔隊騷擾到爹哋同媽咪，我都好明白記者係為工作，但我父母真係好驚俾人追住影相，我真係唔想連屋企人都要承受埋我工作嘅壓力。
「不過，我真係好想同父母住，因為有湯水飲，有時一個人對住間屋又寂寞，瞓唔着唔知可以同邊個傾偈，我啲好朋友多數係返正常工，三更半夜點打畀人，有次我瞓唔着，無聊起身去吸塵。因為嘈住人，有鄰居報警投訴我，搞到我唔好意思。」